ذكريات جميله وحكايات لايمكن ان تنسى ابدا

لاعدمناك يا حطام الماضي وما قصرت
تحيات المملوح

وعلى طاري الاستاذ جاسم الله يطول في عمره والمدرسين والتدريس , اتذكر انه تعين كأول مدير للمدرسة الابتدائية الثانية برحيمه - سميت بعد- ذلك بمدرسة عمر بن عبدالعزيز - وطبعا الشعب ما يخلون التعليق وسموها مدرسة حبّاصه الله يرحمها ويغمد روحها الجنه -اللي كانت عباره عن بيت كبير وسطه ساحه- بسبب ملكية مقر المدرسه للباحسين والتحقت فيها (سنه اولى وكان ذلك عام 1380 يعني قبل 49 سنه وعليكم الحساب .. :z041:
وابو خالد على فكره وقتها ما كان يرضى يقول له احد من طلابه "استاذ جاسم" .. كان يحب يقولون له "الاستاذ قاسم" .. ليش ؟ ما ادري لين الحين , والعصا لمن عصى ودعاه بغير ذلك(الله يا طولها من عصا) وهذا الكلام مو انتقاص في حق المربي الفاضل ابو خالد -الله يطول في عمره- لكن اذكر هذي المعلومة هنا للتأريخ وتقدرون تسألونه اذا ما كنتوا مصدقين ..(المدرسه الاولى اللي بنتها ارامكو كان مديرها الاستاذ فرحان
وأيضا للمذكرات بقية

اخي الاملح

متابع ومستمتع كثيرا بسردك الرائع والعفوي الجميل

اكمل

يازين البساطه
بصراحه يالاملح فتحت لنا ذكريات وسوالف نحبها ونحب نسمعها

لاتنسى فيه قسم فوق عن الحبال

رحيمه يا رحيمه ليت ترجع ايام البساطه حتى ولو في الاحلام
مشكور على المرور ومشكور على معلومة قسم الحبال

لا وما كانت بس هذي سوالفه , كان إلا غلط الواحد يقول له الاستاذ نجي بكسر نيعك , وحنا كنا نحسب النيع هو الرقبه , فكان الواحد منا إلا سمع بكسر نيعك يحط يدينه على رقبته والاستاذ يصكه كف على حنشه (حنكه) واذا اقفا الاستاذ يلتفت على ربعه الطلاب ويقول الحمدالله ..الحمدالله ما ضربني على نيعي , وبعدين يوم ذلفوا الاساتذه من الديره عرفنا ان النيع هو الحنك وانهم كسروا نياعتنا لين ما قالوا بس , واستلم ضحك .
وللمذكرات بقيه